Google ADS

Hoti takoi ministrin çek, bisedojnë për proceset e integrimit evropian të Kosovës

10:33 | 25 Janar 2024
E.G

Deputeti i Lidhjes Demokratike të Kosovës (LDK), Avdullah Hoti është takuar me ministrin e Çekisë për Çështjet Evropiane, Martin Dvorak.

Me anë të një postimi në Facebook, Hoti ka shkruar se pas luftës, Dvorak ka shërbyer si zyrtar i UNMIK-ut duke kontribuar në funksionalizimin e institucioneve lokale në Istog, Gjakovë dhe rajonin e Pejës, shkruan Arbresh.info.

“Ishte kënaqësi të takohem me Ministrin e Çekisë për Çështjet Evropiane, z. Martin Dvořák, mik i Kosovës dhe njohës i mirë i situatës. Pas luftës, si zyrtar i UNMIK-ut, ai ka kontribuar në funksionalizimin e institucioneve lokale në Istog, Gjakovë dhe rajonin e Pejës.”, ka shkruar ai.

Sipas tij, gjatë këtij takimi është bsieduar për procesin e integrimit evropian të Kosovës.

“Biseduam për procesin e integrimit evropian të Kosovës dhe e falënderova për mbështetjen e pakursyer të Çekisë në të gjitha proceset euro-integruese të Kosovës.”, ka shkruar ndër të tjera deputeti opozitar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm